കള്ളനും പൊലീസും

നാട്ടുകാരെ കൂട്ടി
പന്തവും കത്തിച്ച് 
കള്ളനെ പിടിക്കാൻ 
പോയ വഴിക്ക്
ബാലനും വിജയനും
പോലീസിൽ ജോലികിട്ടി !
അനധികൃതമായി
സംഘം ചേർന്നതിനു
നാട്ടുകാര് അറസ്റ്റിലായി ..
അന്നത്തെ ടിവി പരസ്യത്തിൽ
കള്ളൻ പറഞ്ഞു ...
"അമൂൽ മാച്ചോ
ബടെ ആരാംസെ "

                                                                  

പള്ളിക്കസേരകൾ

പള്ളി  പൊളിച്ച്
വീട്ടിലെത്തിയവൻ
ആളോഹരിയായി
അപ്പൂപ്പൻറെ  കസേര
ചോദിച്ചു ...
വീട്ടുകാർ പറഞ്ഞു
"പള്ളീൽ പോയി പറഞ്ഞാ മതി"
അയ്യോ !
ഇനി ഇതു പള്ളീൽ പോകും 

അബൂട്ടി എന്ന മിമിക്രിക്കാരന്‍

അബൂട്ടി മിമിക്രിക്കാരനായിരുന്നു
ഷിറ്റ് പറഞ്ഞ് സുരേഷ് ഗോപി കാട്ടി
തോള് ചെരിച്ചു മോഹന്‍ലാല്‍ ആയി
മധു, മമ്മൂട്ടി, ജോസ് പ്രകാശ്‌ ...
അബൂട്ടി യും മിമിക്രിയും കസറി
ജനം കയ്യടിച്ചു ചിരിച്ചു
ഒടുവില്‍ അയാള്‍
പി ജെ ആന്റണി യുടെ വെളിച്ചപ്പാടു കാണിച്ചു
പിന്നീട്
ആള്‍ക്കൂട്ടം ഇളകുന്നതും
അബൂട്ടി യുടെ കയ്യും കാലും വെട്ടുന്നതും
അന്നത്തെ ന്യൂസ്‌ ഹവറില്‍ കണ്ടു
ജനം കിടന്നുറങ്ങി

ശാരീരികം

നിന്‍റെ മണം,
അതു കത്തി .
ഞാന്‍ തീപ്പെട്ടു.

വീട്ടിലേക്കുള്ള വഴി

ചെണ്ടുമല്ലിയും തുമ്പയും
പൂച്ചവാലും കൊണ്ട്‌ നമ്മള്‍ ‍വരച്ചിട്ട ഭൂപടം..
ഒരു കല്ലെടുത്ത്‌ എറിഞ്ഞു നോക്ക്
കല്ലെത്തുന്നിടം വീട് ...
വീട്ടിലേക്കുള്ള വഴിയാണ്
ബാലരമയിലെ, പൂമ്പാറ്റയിലെ മത്സരം ..
നീ ജയിച്ചു
എനിക്കു വഴിതെറ്റി
കമ്പ്യൂട്ടര്‍ സ്ക്രീനില്‍ പൂക്കളമിടാന്‍
മക്കളെ പഠിപ്പിക്കണം .

വീട്ടിലേക്കുള്ള വഴിയാണ്
ഇപ്പോഴും മത്സരം ..

അവള്‍ പറഞ്ഞു ഗൂഗിളില്‍ ഒന്ന് സെര്‍ച്ച്‌ ചെയ്തു നോക്കാന്‍

നീ ജയിച്ചു

എനിക്കു വഴിതെറ്റി ...

തണുപ്പത്തു വിയര്‍ക്കുന്നവര്‍ക്ക് ...

രണ്ടു ഭൂഘണ്ടങ്ങള്‍
നടുവില്‍ ഒരു കടല്‍
ഇപ്പുറം ചൂട് അപ്പുറം തണുപ്പ്
നീ വേരുകള്‍ മുറിക്കുക , ഞാനും ...
ഒഴുകിയടുക്കുക .. നമുക്ക് ഉമ്മ വെക്കാം ...
ചൂടിനു തണുപ്പും
തണുപ്പത്തു വിയര്‍പ്പും
ഒഴുകിയടുക്കുക .. നമുക്ക് ഉമ്മ വെക്കാം ...